後記

原來去完東京已經差不多成個月, 想upload d相比你地睇好耐, 不過實在太多野做呢, 攪到而家8月先得閒post同你地分享.
仲有幾段Video添, 六本木兩個日本仔好攪笑, 不過因為太多人睇, 所以只係企係側邊錄左一少段.

當然吾少得Brenda挑戰Muscle Park入面個腦力協調Game啦.



台場隻馬騮都表演得幾好, 你地自己睇下右邊個list啦.

Day 7 - 新宿-香港

最後一日基本上係無乜時間用, 因為我地係15:45機, 12點我地要搭車出機場, 實際得2個鐘左右, 所以我地都係行下新宿算數. 出機場我地揀左搭Limousine bus, 因為酒店有車搭, 吾洗攞住行李行出行入. 但係搭Limousine有一樣吾好, 佢會去埋其他酒店上客先出機場, 好似我地住Washington, 結果要去埋Hyatt同京王上客先走, 用左20分鐘.
去到機場食左野之後, 最後衝刺買手信, 基本上之前買的都可以係呢度買到, 分別只係呢d要用手攞, 因為行李已經寄左...上飛機呢一刻吾洗講都係吾想走住架啦, 邊個吾想放耐d假架...回程飛機上面睇左一套超爛港產片, 乜鬼粉絲王, 真係爛到想死...可惜係其他台都無野好睇, 結果都係訓覺.

就係咁, 眨下眼, 7日東京話咁快就玩完, 好彩仲放多兩日先要返工...

Day 6 - 上野-池袋

吾覺吾覺差不多要走lu, 呢日首先係去左上野, YamaShiroya睇玩具, 呢度仲大過博品館, 入面成日都聽到廣東話, 因為好多香港人去. 睇完玩具跟住行隔離條手信街, 感覺好似紅街市咁, 確實係有手信, 不過因為個感覺太似去左街市咁, 結果都係買吾到野. 路過見到有串燒同Pancake, 有機會你地要試下, 味道好正呢!

去完上野, 我地又出發去池袋, 去到已經差不多3點, 所以是但搵左間野, 食西式意粉同Risotto, 味道ok, 份量較少, 個waitress英文都吾錯呢. 食完野向Sunshine City出發, 入左個NamjaTown入面玩, 不過得個行字, 樣樣野都日文, 只係見到d人個個攞住隻蛋走來走去, 吾知玩乜...我地去左個雪榚博物館, 食左甜品就走人.之後係池袋行左一輪, 去Animate同機舖行左一陣, 都已經7點. 最後我地決定返新宿行多陣, 同再去多次三國一食豬扒飯. (我之前係Isetan食左d壽司, 所以飽到行吾到)

Day 5 - 台場

經過幾日陰天同雨天, 呢日終於有太陽了!而呢日行程係台場, 因為上次去台場實在太趕了, 今次可以慢慢行了.

行到懷舊電子玩具店當然玩番幾舖電子遊戲啦, 仲玩左個射公仔game, 可惜贏吾到呢, 之後去左Muscle Park, 可以玩筋肉擂台d game, 好似足球9宮格呢, 咁當然吾少得去夾公仔啦, 今次一黎就好順利咁攞到4隻史廸仔, 可惜後勁不繼.玩完一輪都係時候食Lunch, 食飽去左富士電視台同Venus Fort, 當然吾少得去Toyota度玩下啦. 行左成日收獲最豐富梗係Brenda啦.玩到7點幾返新宿食飯, 虎福亭河豚都係網友介紹, 我地去到門口睇左一陣menu, 見到佢有得食埋和牛, 於是我地叫左一個牛肉+河豚set, 同另外一個河豚set, 第一次食河豚, 確實係好甜, 和牛更加吾洗講, 價錢同蟹道樂差不多, 不過份量比較少呢.

Day 4 - 雷門-銀座-六本木-涉谷

第四日係行得最多的一日(影相都係最少一日), 行到腳仔軟...首先去左雷門, 不過呢日都係有雨, 攪到個雷門燈籠都收起左, 得番一半, 行左一陣買完手信.

跟住去銀座食Lunch, 不過間野係超吾得, 個豬扒飯直頭係豬肉乾飯. 行左一輪銀座, 當然要去博品館睇玩具啦, 不過今次反而覺得間野細左, 眨下眼就行完, (上野個間仲大d)行完銀座, 跟住搭車去六本木, 睇左一個好攪笑嘅商場show, 之後仲去埋涉谷, 不過實在太累了, 7點幾我地就先返酒店, 諗住去附近食飯. 日本實在太多好野食, 我地沿地下街向新宿西口行左一陣, 終於揀左一間我地成日經過嘅豬扒飯店, 叫左兩個set, 佢個調味汁係自己磨芝麻加醬汁呢, 其中一樣芝士豬扒(我覺得仲好味道過三國一個豬扒飯呢), 最可惜係我地無帶相機出去食飯呢, 影吾到相比你地睇, 不過如果你地想試, 可以去新宿西口搵下, 應該係京王百貨下面, 隔離係Haagen-Dazs雪糕的呢. (附近有間麵包舖都係好味道呢)